БЕЛАРУСКІЯ ТЭКСТЫ ДЛЯ ЧЫТАННЯ
У дождж
Стаіць
дрэннае надвор’е. лье дождж. Б’е ў шыбы вецер. Вераб’і хаваюцца пад стрэхі. У
вераб’ёў мокрае пер’е. у акно глядзіць Дзям’ян. Яму шкада вераб’ёў.
Чакаю дожджу
Каля
градак агароджа. Я хаджу і гляджу на хмаркі. Дажджу ўсё няма. Я чакаю дожджык!
Ён палье градкі. Будзе добры ураджай.
Люба і Нюра
Люба
і Нюра – сёстры. Яны добра малююць. Люба малюе яблыню і зязюлю. А Нюра любіць
маляваць цюльпаны. Заўтра яны пакажуць малюнкі любімай настаўніцы.
У вёсцы зімой
Зімовы
дзянёк. Вакол снегавыя сумёты. Лёд скаваў азёры. Лёва і алёна робяць каток. У
Лёвы вёдры, а ў Алёны – рыдлёўка. Сёння ўвечары жыхароў вёскі чакаюць вясёлыя
забавы.
У лесе
Быў
сонечны дзень. Дзеці прыйшлі ў лес. На дрэве сядзеў дзяцел. У птушкі вострая
дзюба. Дзяцел дзюбай здабывае сабе ежу.
Смяльчак
Жыў
у лесе вожык. Днём спаў. Вечарам шукаў ежу. Аднойчы звярок убачыў змяю. Не
спалохаўся гадзюкі. Схапіў яе зубамі.
Цішка
У
Насці кот Цішка. Хвост у коціка пушысты. Цішка любіць гуляць са сваім
хвосцікам. Пасля школы Насця бяжыць дамоў. Яе чакае Цішка.
Грыбнікі
Жнівень
і верасень радуюць грыбнікоў. У ельніках вылазяць апенькі, рыжыкі, баравікі.
Бацька і Васіль часта ходзяць па грыбы. Дома грыбнікоў чакае маці. Яна
пасмажыць бульбу з грыбамі і зварыць смачны суп.
Вавёрка
Я
сеў адпачыць на паваленую сасну. Над галавою трэснула галінка. Я глянуў на
дрэва. На сасне сядзела вавёрка, трымала ў лапках шышку. Вавёрка ўбачыла мяне.
Яна адразу кінула шышку і скокнула на суседняе дрэва.
Рак
Жывуць
ракі ў азёрах і рэках. Хаваюцца ў норках пад карчамі ці каменнем. Спажываюць
яны чарвякоў, дробную вадзяную жыўнасць, маленькую рыбку. Не даюць забрудзіцца
вадзе і гэтым прыносяць карысць.
Любімая цацка
У
андрэйкі Вераб’ёва шмат цацак. І машынкі есць, і канструктар, і салдацікі. Але
вельмі любіць хлопчык плюшавага мядзведзіка Топу. Шмат часу праводзяць сябры
разам. Андрэйка вучыцца пісаць літары, чытае кніжкі. За ім уважліва назірае
Топа.
Суніцы
Паспелі
духмяныя суніцы. Алесь, Міколка і Ягорка сабраліся ў лес. Як хочацца паспытаць
смачных ягад! Алесь збірае суніцы ў лазовы кошык. Міколка асцярожна складвае іх
у кішэню. Малы Ягорка кідае ягадкі ў роцік.
ВУЧЫМ НОВЫЯ СЛОВЫ
ГЛЯДЗІМ МУЛЬЦІКІ НА БЕЛАРУСКАЙ МОВЕ
Выдатныя відэаўрокі! Поспехаў у вывучэнні роднай мовы!))
ОтветитьУдалить